Persidente de l Cungresso Cuntinental

L Persidente de l Cungresso Cuntinental fui l persidente de l Cungresso Cuntinental, la cumbençon de delegados qu'eimergiu cumo l purmeiro gobierno nacional de ls Stados Ounidos durante la Reboluçon Amaricana. L persidente fui un nembro de l Cungresso eileito puls outros delegados para serbir cumo un moderador amparcial durante ls ancuontros de l Cungresso. Zeignado para ua posiçon largamente cerimonial, mas sin muita anfluéncia, l gabinete fui sustituído pul posterior gabinete de l Persidente de ls Stados Ounidos.

L purmeiro Persidente de l Cungresso fui Peyton Randolph, que fui eileito ne l die 5 de setembre de 1774. L radadeiro persidente, Cyrus Griffin, renunciou an nobembre de 1778. Por causa de l papel lemitado de l gabinete, ls Persidentes de l Cungresso son menos coincidos de l que ls líderes de la Reboluçon Amaricana. L mais coincido ye John Hancock, lembrado por sue grande assinatura na Declaraçon de Andependéncia de ls Stados Ounidos, que fui adotada i assinada durante sue persidéncia.